مقابله مع ك.رونالدو

-انا : كيفك يا كريستيانو دفعنالك كتيير تتحضر بس و الله بتستاهل !!
-ك.ر : أهلين خيو كيفك زمان ما شفتك انا في الخدمة الصراحة الاعلام بيحقلوا يعرف كل شي ...
-انا :اول لحاجة يا كريستيانو رونالدو بدنا تحكيلنا عن نفسك ..
-ك.ر : طبعا انا كريستيانو رونالدو دوس سانتوس افييرو منذ الصغر وانا بلعب كورة وبحب كتيير لاعبين وبدات...
-انا (مقاطعا) : هي هي !! انت بدك تعمللنا خطبة انهينا الشباب مش فاضية تسمع خطب .. عشان نقلل فلسفة بدي اسالك اسئلة وتجاوبني ع طول اوكي ؟؟ ...
-ك.ر : طيب خلص اوكي ما تزعلو ...
-انا : لا خيو نحنا مش رح نزعل بس بدنا تجاوبنا بصراحة و ممكن اسئلة يعني تكون محرجة شوي ..
بصراحة هه ! ..
-ك.ر: اوكي معكن..
-انا:اول شي اسمك الكامل ؟
-ك.ر: زي ما قلت اسمي كريستيانو رونالدو دوس سانتوس افييرو يعني لا كريستيانو بس ولا رونالدو لحال الاتنين مع بعض -مركب- ..
-انا : حلو معلومات حلوة بدنا ياك هيك معنا ..
تاني شي تاريخ ميلادك ؟
-ك.ر: ولدت في الخامس من فبراير سنة 1985 وكان يوم اثنين ..
-انا :تمام .. طيب ومكان الميلاد ؟؟
-ك.ر : فانشال وهي مدينة حلوة في جزيرة مادييرا جزء من البرتغال ..
-انا : حلو كتيير طيب الجنسية برتغالي صح ؟
-ك.ر :انا بفخر بكوني برتغالي و ما معي جنسية تانية غيرها ..
-انا : طيب الحالة الشخصية ؟؟؟؟؟
- ك.ر : طبعا اعزب ..
-انا :يلا عاد طلع اللي ف قلبك ما في هيك شي صبية ولا بنت يعني حبايب او جيرل فريند ؟؟
-ك.ر : طبعا لا ما في وهاد من اسباب نجاحي اعتقد ..
-انا : ههههه !! الله يعين المتزوجين ..
-انا : طيب يعني لاعب متلك هيك سريع ونشيط ومراوغ قديه بدو يكون وزنه على طوله عشان يحصل على لياقتك؟؟
-ك.ر : انا طولي الحالي في حدود 1.84 سم و وزني 78 كيلو بالضبط !! وانا بقللك عمري ما عملت ريجيم و باكل عادي متلي متلك ..
اللياقة ما تكتسبها الا بالتمرين ممكن الاكل الو دخل بس برضه يعني التزم بالوجبات الثلات ..
- انا : اووو نصائح مفيدة .. طيب يعني بتاريخ ميلادك هاد شو بيكون برجك الصيني ؟؟
-ك.ر : برجي الصيني طيب ما تسالني عن برجي العادي الاول ..
-انا : ..
المهم برجي الدلو وبرجي الصيني بيطلع ؟! اه الثور ...
-انا : طيب شو لونك المفضل ؟
-ك.ر : الابيض طبعا ..
-انا :شو هواياتك غير لعب الكورة طبعا ؟؟
-ك.ر : انا بحب اتمشى كتيير و اتسكع مع اصدقائي في الشارع ونروح السينما و بحب اسمع موسيقا بس مرات بقرف بحب اضل لوحدي..
-انا : شو نقيبتك لما كنت صغير ؟؟
- ك.ر : كانو صحابي ينقبوني كلويفرت لما كنت صغير عشان انت عارف بعلب منيح و بتعرف باتريك كلويفرت ..
- انا :حلو كتيير "كلويفرت"... طيب وين كانت بداية كلويفرت الصغير في كرة القدم ؟؟
-ك.ر : بداية لعبي كانت بشبورتنج لشبونة وبعدين بنفيكا ..
-انا :طيب مين كان مثل كلويفرت الصغير الاعلى او بطلك و انت صغير ؟؟
-ك.ر: الاسطورة مارادونا ....
-انا : واو هاد نجم كبير انا بقول رح تصير متلو و احسن منو كمان..
-ك.ر : الله يسمع منك ان شاء الله هيني بشد حيلي و بشوف ..
-طيب مين بطلك وانت كبير ؟؟
-ك.ر : انا نفسي اصير متل لويس فيغو او تييري هنري ...
-انا : سيبك انا شايفك احسن منهم بس حافظ على مستواك..
سؤال تاني مين الشخص اللي نفسك تقابلو من زمان او تسلم عليه ؟؟
-ك.ر : نفسي اقابل مايك تايسون بتعرفو هاد الملاكم الاسطورة..
-انا : طيب قلتلي من هواياتك السينما مين بتعشق اكتر ممثل ؟؟
-ك.ر : جود-كلود فان دام !!!
-انا : رووعة.. شو احسن فلمين شفتهم ؟؟..
-ك.ر : "The Sixth Sense" و "The Rock" ...
-انا :طيب مين احسن ممثلة عندك ؟؟
-ك.ر : انجلينا جولي !!!!!!
-انا : "اوه ماي جاد" !!
-ك.ر : ..
-انا : طيب اذا بتحب الافلام اكيد بتعرف تشارليز انجلز صح ؟
-ك.ر : اهاا ..
- انا : مين بتحب اكتر وحدة فيهم ؟؟
-ك.ر : "درو باريمور" !!
-انا : ولعت !! "درو" مرة وحدة !!؟
طيب قلت انك بتسمع موسيقا شو اللون المحبب لالك ؟؟
-ك.ر : دانس ..
-انا : دمار شامل !!!
-الذ اكلة عندك ؟؟
ك.ر : في اكلة عنا بالبرتغال بيقولولها "باكالاو ا براتس"..هاي اكلة سمك مع بطاطا و بيض مخفوق ..
-انا : بتبقى تطعميني ياها لما نروح البرتغال اوكي ؟؟
-ك.ر : مرحبا بك اخي ...
-انا : طيب شو بدك تشربنا لما نروح هناك من ذوقك ؟؟
- ك.ر :الذ شي شربتو هو "السانتال" وهو عصير من فاكهة معينة لذيذ جدا !! اكيد رح يعجبك..
-انا: اوكي اخر سؤال تقلنا على المشاهدين الكرام بس باين انهم مستمتعين ع الاخر..
بدكاش تقللنا مين الجيرلفريند ؟؟؟؟
-ك.ر : ..
-انا : وين رايح !! لسه المقابلة ما خلصت !!!!!........
لحساب من حقنا نعرف كل شي ؟!
-ك.ر : كلهم يعرفوا الا انت !!!



شكلي مزيته صح ؟؟؟...

________________________________

*كتبتها من تاليفي مع شوية مزح ..

*للتسلية فقط مع العلم اني لا اضمر ضغينة لاي من اللاعبين بالعكس انا احترم واقدر هذا النجم اكثر من كتيير..

*اذا حدا ما عجبوا شي يرد ع الموضوع يعني ممكن وجهة نظر تانية ..

*سياق الكلام لا يعبر عن شخصيتي او شخصية اللاعب النجم كريستيانو رونالدو...

* المعلومات الواردة في هذه المقابلة صحيحة من مصدر موثوق يمكنكم زيارة http://www.cristiano-ronaldo.org/



تقبلوا تحياتي..........

مشكور على هذا الموضوع

شكرا على المرور نورت القسم بمرورك